«بىرنەشە مىڭجىلدىقتار بويى ءبىزدىڭ ماكرووڭىر مەملەكەتتەرى بۇكىل ادامزاتتىڭ قوعامدىق, مادەني, تەحنولوگيالىق پروگرەسىنىڭ نەگىزگى قوزعاۋشى كۇشى بولدى. بۇل وراسان زور تاريحي تاجىريبە ەگەمەندىك پەن ادىلەتتىلىك قاعيداتتارىنا نەگىزدەلگەن جاڭا تۇراقتى جانە ينكليۋزيۆتى الەمدىك ءتارتىپتى قۇرۋدىڭ بەرىك نەگىزى بولا الادى», دەدى پرەزيدەنت.
قاسىم-جومارت توقاەۆتىڭ ايتۋىنشا, بۇگىندە ازيا الەمدىك ەكونوميكالىق كوشباسشىعا اينالدى.
ء«ححى عاسىر - ازيانىڭ عاسىرى بولادى دەگەن بولجام بۇگىندە شىندىققا اينالدى. ازيا نومينالدى ءجىو جانە ساتىپ الۋ قابىلەتىنىڭ پاريتەتى بويىنشا تانىمال الەمدىك ەكونوميكالىق كوشباسشىعا اينالدى. ازيا ادامي جانە تابيعي رەسۋرستارعا يە. الەمدەگى ەڭ ءىرى 30 قالانىڭ 21-ءى ازيادا ورنالاسقان. 2030 جىلعا قاراي ورتا تاپتىڭ 30 تريلليون دوللارلىق تۇتىنۋىنىڭ بارلىق بولجامدى ءوسۋىنىڭ تەك 1 تريلليون دوللارى باتىس ەكونوميكالارىنا تۇسەدى دەپ كۇتىلۋدە. الايدا, ازيانىڭ بولاشاعى ءبىزدىڭ مادەنيەتتەر, داستۇرلەر مەن دۇنيەتانىمدار اراسىنداعى ديالوگتى نىعايتۋعا باعىتتاعان ۇجىمدىق دايىندىعىمىزعا دا بايلانىستى», دەپ اتاپ ءوتتى مەملەكەت باسشىسى.
قازاقستان پرەزيدەنتى اوسشك دامىتۋ ءۇشىن قابىلدانعان قادامدار وسى ماقساتقا سايكەس كەلەتىنىنە سەنىم ءبىلدىردى.
«كەڭەس بۇدان بىلاي ازيا كونتينەنتىندە جۇمىس ىستەيتىن باسقا دا تابىستى كوپجاقتى ۇيىمدارمەن ءوزارا ءىس-قيمىل جاساي وتىرىپ, مادەنيەتتەر مەن وركەنيەتتەر اراسىنداعى پروگرەسكە, ەكونوميكالىق وركەندەۋگە جانە ديالوگقا ىقپال ەتەتىن بولادى», دەدى قاسىم-جومارت كەمەل ۇلى.
